Ao longo do curso  hai  moitos obxectivos  sinalados para acadar e en relación a isto  moitos contidos a traballar , non obstante , nestes intres  calquera valoración do alumnado pasa principalmente por  poñer o foco de atención á hora de valorar a súa competencia lingüística nos seguintes aspectos :

1. Cando se pon a ler , comprende ben o que está lendo ( independentemente do formato ) , i é capaz de interpretar  a grosso modo a intención do que le.A velocidade lectora  mália que vén sendo unha constante ao longo do curso , non se contempla como algo moi significativo , é máis valorable a entonación , polo que significa na comprensión do lido .

2. Ten unha boa capacidade de expresión oral , sabe facerse entender ? ( en galego e castelán ) , evidentemente  forma parte deste apartado  a riqueza de vocabulario e o emprego de conectores , o cal aumenta o valor da súa expresión . A avaliación neste aspecto vén determinada pola observación nas exposicións , e no día a día .

3. Igualmente que na expresión oral , resulta na expresión escrita o valor de facerse entender , usando axeitadamente os conectores e aplicando maior vocabulario . Esta valoración vén determinada polos resumos , e os traballos que foron facendo de redaccións e demais . A grafía mália que sempre a estamos valorando e traballando é importante no senso de crear un orde e unha limpeza que se convirta nun costume que beneficia os traballos en xeral , non obstante non descalifica a competencia lingúistica de ninguén , agás que sexa inintelixible .Si é valorable a ortografía como algo que é necesario para facilitar a comprensión do texto e que axuda  igualmente  na súa axeitada expresión .

4. A aprendizaxe de contidos gramaticais forma parte ( nestas idades ) , do requerido para unha comprensión básica do funcionamento  dunha lingua , polo que do mesmo xeito que para un condutor é importante saber  algo do funcionamento do motor  , para os nenos igualmente é importante este recoñecemento  cara a un mellor entendemento da lingua , isto avaliámolo  fundamentalmente mediante exames e os previos controis . 

5. A creatividade é sen dúbida a guinda do pastel , porque amosa polo xeral unha intención  que vai máis alá do simple estudo por obriga ou porque está aí , aquí é onde observamos o gusto polo que fai ( tamén no coidado dos traballos ) , a intencionalidade  na súa acción , e evidentemente sempre é algo salientable como elemento diferenciador .Isto vaise valorando mediante os traballos  de creación propia  , e as menos veces nos traballos dirixidos , tanto en expresión escrita como oral .

6. Existen outras valoracións , mais non son constatables a efectos dunha avaliación xeral , senón como elementos de desenvolvemento persoal , cara a máis adiante ( estratexias de estudo: esquema -resumo , uso do ordenador , busca nunha biblioteca de información  , gusto pola lectura ...) 

                                               Resumindo a valoración xeral  baséase :

​

                              Comprensión de textos e interpretación axeitada , expresión escrita e oral  ben articulada e que chegue claramente a súa mensaxe ao ouvinte ( con máis ou menos riqueza de vocabulario e con uso de conectores, ademais do coidado ortográfico ) , recoñecemento de contidos gramaticais  e creatividade . Debo engadir que no tocante ao galego debido á dificultade de conexión coa lingua , si é valorable a intencionalidade do seu uso cotiá , na clase de galego  como medidad de reforzamento necesaria para acadar en xeral os demais obxectivos ( a súa valoración so  vén determinada pola observación cotiá ) 

                                          Ferramentas para avaliar : exposicións orais e escritas , resumos , exames , e traballos expositivos ( limpeza - creatividade ...) e evidentemente o día a día , no que tamén se considera  como influenciable na valoración final , ( aínda que polo xeral vai implícito xa nos traballos )  a actitude xeral .